សកម្មភាពសិក្សាគុណភាពនិងផលប៉ះពាល់
កាលពីថ្ងៃទី ៣១ ខែសីហា ដល់ថ្ងៃទី ០៣ ខែកញ្ញា ឆ្នាំ២០១៦ របស់លោក វិន ប៊ុនពៅ អនុប្រធានក្តាប់រួមនាយកដ្ឋានធនធានធម្មជាតិ និងក្រុមការងារបច្ចេកទេសរបស់ការិយាល័យធនធានទឹកបានទៅកាន់ភូមិសាស្ត្រ តំបន់ឆ្នុកទ្រូ ស្រុកបរិបូណ៌ ខេត្តកំពង់ឆ្នាំង តំបន់កំពង់លួង ស្រុកក្រគរ ខេត្តពោធិ៍សាត់ តំបន់កំពង់ឃ្លាំង ស្រុកសូទ្រនីគម និងតំបន់កំពង់ភ្លុក ស្រុកប្រាសាទបាគង ខេត្តសៀមរាប ដើម្បីសិក្សាស្វែងយល់ពីការប្រើប្រាស់ ប្រភពធនធានទឹកប្រចាំថ្ងៃរបស់ប្រជាជនខាងលើ និងសិក្សាស្វែងយល់ពីផលប៉ះពាល់នៃទឹកទន្លេសាបក្នុងតំបន់ទាំងខាងលើនារដូវទឹកឡើង (រដូវវស្សា) ។
គោលបំណងនៃការចុះសិក្សាមានដូចខាងក្រោម៖
- សិក្សាស្រាវជ្រាវពីសុខមាលភាពបឹងនៅតាមតំបន់និមួយៗខាងលើ ។
- ចុះប្រមូលព័ត៌មានពីការប្រើប្រាស់ទឹកក្នុងតំបន់បឹងទន្លេសាបខាងលើ និងតំបន់ពាក់ព័ន្ធ ។
- ពិសោធន៍សំណាកទឹក ( គុណភាពទឹក និងផលប៉ះពាល់ ) ។
- ពិនិត្យសិក្សាស្វែងយល់បន្ថែមពីប៉ារ៉ាម៉ែត្រសំខាន់ៗមួយចំនួនដែលទាក់ទងនឹងសុខមាលភាពបឹង និងសុខភាពប្រជាជនតាមតំបន់និមួយៗ។
