នាថ្ងៃទី ៣១ ខែសីហា ឆ្នាំ ២០១៦ នៅខេត្តសៀមរាប ឯកឧត្តម ហ៊ែល តូនី អគ្គលេខាធិការ អាជ្ញាធរទន្លេសាប បានអញ្ជើញចូលរួមកិច្ចប្រជុំក្រុមការងារអន្តរក្រសួង ដើម្បីពិនិត្យពិភាក្សាលើគម្រោងវិនិយោគអភិវឌ្ឍន៍តំបន់ទេសចរណ៍ធម្មជាតិរបស់ក្រុមហ៊ុន Sea Pac Investment Co, Ltd ស្ថិតនៅភូមិត្នោតកំបុត ភូមិដីក្រហម ភូមិគោកក្តុល ឃុំកំពង់ភ្លុក ស្រុកប្រាសាទបាគង និងគម្រោងវិនិយោគសាងសង់កំពង់ផែទេសចរណ៍របស់ក្រុមហ៊ុន Sou Ching Port Investment Co, Ltd ស្ថិតនៅភូមិចុងឃ្នៀស ស្រុកសៀមរាប ខេត្តសៀមរាប។ កិច្ចប្រជុំ ដឹកនាំដោយឯកឧត្តម សុខ ចិន្តាសោភា រដ្ឋមន្ត្រីប្រតិភូរអមនាយករដ្ឋមន្ត្រី អគ្គលេខាធិការ កអកនិងចូលរួមពីក្រុមការងារអន្តរក្រសួងមានតំណាងទីស្តីការគណៈរដ្ឋមន្ត្រី ក្រសួងធនធានទឹក និងឧតុនិយម ក្រសួងបរិស្ថាន ក្រសួងទេសចរណ៍ អាជ្ញាធរទន្លេសាប ក្រសួងកសិកម្ម រុក្ខាប្រម៉ាញ់ និងនេសាទ ក្រសួងយុត្តធម៌ ក្រុមប្រឹក្សាអ្នកច្បាប់ តំណាងអាជ្ញាធរខេត្តសៀមរាប តំណាងក្រុមហ៊ុនទាំង ២ ។