សកម្មភាពអញ្ជើញចូលរួមវគ្គបណ្តុះបណ្តាលស្តីពីទស្សនៈទាននៃការគ្រប់គ្រងបឹងនៅប្រទេសជប៉ុន
ក្រោមកិច្ចសហប្រតិបត្តិការរវាងក្រសួង ស្ថាប័នជំនាញ ជាមួយវិទ្យាស្ថានបច្ចេកវិទ្យាកម្ពុជា (ITC) ឯកឧត្តម ហ៊ែល តូនី អគ្គលេខាធិការ រួមជាមួយមន្ត្រីបច្ចេកទេសរបស់អគ្គលេខាធិការដ្ឋាន នៃអាជ្ញាធរទន្លេសាប បានអញ្ជើញចូលរួមវគ្គបណ្តុះបណ្តាល ស្តីពីទស្សនៈទាននៃការគ្រប់គ្រងបឹង (Exploring the Aspect of Lack Management) នៅប្រទេសជប៉ុន ក្រោមដំណើរការអនុវត្តគម្រោងបង្កើតវេទិកាអភិរក្សបរិស្ថានបឹងទន្លេសាប (Establishment of Environmental Conservation Platform of Tonle Sap Lake) ដែលបានរៀបចំឡើងដោយក្រុមអ្នកស្រាវជ្រាវរបស់វិទ្យាស្ថាន TOKYO Institute of Technology នៃភ្នាក់ងារកិច្ចសហប្រតិបត្តិការអន្តរជាតិជប៉ុន (JICA) នាថ្ងៃទី 14-21 ខែសីហា ឆ្នាំ២០១៦ នៅទីក្រុង Tokyo ប្រទេសជប៉ុន។ វគ្គបណ្តុះបណ្តាលនេះ មានការអញ្ជើ្ជញចូលរួមពីប្រតិភូកម្ពុជា មកពីក្រសួងធនធានទឹក និងឧតុនិយម ក្រសួងបរិស្ថាន អាជ្ញាធរទន្លេសាប និងវិទ្យាស្ថាន បច្ចេកវិទ្យាកម្ពុជា។ វគ្គបណ្តុះបណ្តាលនេះ ផ្តោតសំខាន់លើប្រធានបទក្នុងកិច្ចពង្រឹងសមត្ថភាពក្នុងការជួយទ្រទ្រង់ដល់កិច្ចដំណើរការគម្រោង និងការងារពាក់ព័ន្ធរបស់អាជ្ញាធរទន្លេសាប។
