នាថ្ងៃទី ១១ ដល់ថ្ងៃទី ១២ ខែសីហា ឆ្នាំ ២០១៦ ឯកឧត្តម សូ សុភ័ទ្ទ អគ្គលេខាធិការរង និង មន្ត្រីអគ្គលេខាធិដ្ឋាន នៃអាជ្ញាធរទន្លេសាប បានអញ្ជើញចូលរួម “វេទិកាគោលនយោបាយមេគង្គក្រោមស្តីពី កសិកម្ម បរិស្ថាន និងការចិញ្ចឹមជីវិត” ក្រោមកិច្ចសហការរួមគ្នារៀបចំដោយវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា(វបសអ-CDRI) គំនិតផ្តួចផ្តើមគោលនយោបាយសាធរណៈមេគង្គក្រោម(LMPPI) និងបណ្តាញស្រាវជ្រាវមេគង្គប្រកបដោយចីរភាព(SUMERNET) ដែលបានប្រព្រឹត្តទៅនាថ្ងៃទី ១១-១២ ខែសីហា ឆ្នាំ២០១៦ នៅខេត្តសៀមរាប។ វេទិកានេះ ជាវេទិកាថ្នាក់តំបន់ដែលមានវាគ្មិន និងអ្នកសម្របសម្រួលជាតិអន្តរជាតិមកពីកម្ពុជា វៀតណាម ថៃ ឡាវ នូវែសសេឡង់ និងអាមេរិក និងមានការចូលរួមពី វិស័យសាធារណៈ អ្នកបច្ចេកទេស សហគមន៍ស្រាវជ្រាវ អ្នកតាក់តែងគោលនយោបាយ ដៃគូរអភិវឌ្ឍន៍ អង្គការជាតិ និងអន្តរជាតិ ប្រមាណជាង ១០០ នាក់។ វេទិកា ផ្តោតសំខាន់លើប្រធានបទស្តីពីកសិកម្ម បរិស្ថាន និងការចិញ្ចឹមជីវិត មានសារសំខាន់ដល់ជីវភាពរស់នៅ ក៏ដូចជាការរួមចំណែកអភិវឌ្ឍន៍សេដ្ឋកិច្ចជាតិ។