ក្រុមការងារគម្រោងគ្រប់គ្រងធនធានទឹកចម្រុះអាងស្ទឹងសែននៃអាជ្ញាធរទន្លេសាប ដឹកនាំដោយលោក លឹម ពុយ បានអមដំណើរជូនគណៈប្រតិភូរបស់អង្គការបារាំង AREED (Association Réseau Expert Environnement Développement) ដឹកនាំដោយលោកនាយក Gérard BOLOGNINI និងលោកស្រី Faustine បានមកទស្សនៈកិច្ចនៅប្រទេសកម្ពុជាក្នុងគម្រោងគ្រប់គ្រងធនធានទឹកចម្រុះអាងស្ទឹងសែនដើម្បីជ្រើសរើសទីតាំងក្នុងការតម្លើងស្ថានីយចម្រោះទឹកស្អាត នៅស្រុកសណ្តាន់ ខេត្តកំពង់ធំ និងស្រុករវៀង ខេត្តព្រះវិហារ ចាប់ពីថ្ងៃទី 9 ដល់ថ្ងៃទី 11 ខែកក្កដា ឆ្នាំ 2016 ក្រោយពីបានទទួលការឯកភាពពីភ្នាក់ងារទឹកបារាំង Rhine-Meuse ក្នុងការអភិវឌ្ឍន៍លើវិស័យទឹកស្អាតក្នុងផែនការសកម្មភាពរបស់គម្រោងស្ទឹងសែន ។ អង្គការ AREED ត្រូវបានទទួលការស្វាគមន៍ពីអាជ្ញាធរមូលដ្ឋានស្រុក និងឃុំ ព្រមទាំងបានចុះពិនិត្យលើទីតាំង ហើយមានចំណាប់អារម្មណ៍ក្នុងការតម្លើងស្ថានីយចម្រោះទឹកស្អាតនៅឃុំងន និងឃុំក្លែង ស្រុកសណ្តាន់ ខេត្តកំពង់ធំ និងឃុំរៀបរយ ស្រុករវៀង ខេត្តព្រះវិហារ ។